Pabell Saffari
Mae ein pabell saffari yn cynnig ardal awyr agored dan do eang i fwynhau bwyta y tu allan i ardal y babell. Wedi’i lleoli mewn llecyn delfrydol gyda choed aeddfed o amgylch yr ardal i roi cysgod, ond eto mewn safle perffaith i gael golygfeydd gwych dros ddyffryn ac aber Dyfi . Y tu mewn mae dwy ystafell wely a lle i ymlacio. Gwelyau gwersylla cyfforddus i blant, gyda digonedd o flancedi a chlustogau ac amrywiaeth o oleuadau. Darperir dillad gwely llawn ar gyfer yr holl welyau, ac mae trydan hefyd ar gyfer gwresogydd bach a gwefru ffôn.
Mae pwll tân ger y dec, a darperir bin llawn coed yn rhad ac am ddim ar gyfer noson gyntaf eich gwyliau. Beth am ymgynnull o amgylch y tân wrth wylio'r haul yn machlud a thostio malws melys. Mae'r ardal yn enwog am ei awyr dywyll nos hefyd (dim 'city glow') i weld miliynau o sêr ar noson glir!
Darperir yr holl offer coginio sylfaenol, gyda hob dwbl a blwch oeri. Mae bwrdd picnic y tu allan ar y dec. Mae gan yr holl bebyll eu hystafell gawod a thoiled preifat eu hunain. Mae'r golau i gyd yn solar y tu allan i'r pebyll.
Sylwer: ni chaniateir ceir ar y cae glampio ac mae taith gerdded fer i’w cyrraedd i fyny trac graeanog. Felly ar ôl dadlwytho, bydd angen parcio pob car yn y man parcio.
Pabell saffari
gyda thrydan, cegin breifat ac ystafell ymolchi breifat.
Uchafswm, 2 oedolyn, 2 blentyn.
£140 y noson (isafswm arhosiad o 2 noson)
Archebu
Gallwch nawr archebu'n uniongyrchol gyda ni ar ein gwefan
Dewiswch y dyddiadau yr hoffech aros isod a thalwch i sicrhau eich archeb.
Beth i ddod gyda chi
Ffoil ar gyfer coginio ar y tân
Fflachlamp
Matsys
llieiniau sychu llestri a chadachau ychwanegol.
Dillad cynnes a dillad dal dwr, welingtons, sanau cynnes i gadw'ch traed yn gynnes yn y babell. Cofiwch fod yn barod am y tywydd Cymreig!
Potel dwr poeth.
Tywelion.
Ryg picnic, blancedi tu allan a chadeiriau gwersylla os oes gennych chi le yn y car!
Beth sydd wedi'i gynnwys
Llestri, cyllyll a ffyrc ac offer coginio.
Lle tân tu allan ac un fasged o bren.
Blwch oer a blociau iâ. (rhannu oergell a rhewgell)
Sosbenni, padell ffrio, mygiau, gwydrau a gwydrau gwin.
Bwrdd picnic.
Ychwanegir manion gan gynnwys te, coffi, siwgr, olew olewydd, halen, pupur, canhwyllau citronella, malws melys, llieiniau sychu llestri, hylif golchi llestri, tanwyr tân.
Dwr yfed.
Papur toiled a hylif golchi dwylo.
Dillad gwely ar gyfer pob gwely. Sylwch - nid ydym yn cynnig tyweli.
Blancedi, golau solar a goleuadau bach